ಅಂತರ್ಮುಖಿಯಾಗು...
ಅಂತರ್ಮುಖಿಯಾಗು ಮನವೆ
ಜಗದ ಮೇಲಾಟಗಳ ಸದ್ದಡಗೊವರೆಗೆ
ಮಥಿಸು ಮನದ ಕಡಲನ್ನು
ಶಾಂತಿ ಅಮ್ರತಧಾರೆ ಉದಿಸುವಲ್ಲಿವರೆಗೆ ||
ನಿನ್ನೊಳಗೂ ಯುದ್ಧ,ಜಗದೊಳಗೂ ಯುದ್ಧ
ಕಿವುಡಾಗು ಕಾಳಗದ ಕ್ರೂರ ಕರೆಗೆ
ಹುಡುಕು ಶಾಂತಿ ಸೂತ್ರಗಳನ್ನು,ಮೌನವಾಗಲು
ಮನದ ಹೊಯ್ದಾಟವೊಂದು ಘಳಿಗೆ ||
ಅತ್ರಪ್ತ ಆತ್ಮ ಹೊರಗೆಲ್ಲೊ ಸುತ್ತುತ್ತಿದೆ
ಸತ್ತಿರಲು ಮೌಲ್ಯಗಳು ಕಡು ಲೋಭದುರಿಗೆ
ಕೈಗೂಡದಾಸೆಗಳು ಉಗ್ರ ಸುಳಿಯಾಗದಂತೆ
ಬಂಧಿಸಿಡು ಆತ್ಮವನು ಭಾವಕಡಲಾಳದೊಳಗೆ ||
ಮುಳುಗೇಳು ಸಹಿಷ್ಣುತೆಯ ಸಲಿಲದಲಿ
ದ್ವೇಷಾಸೂಯೆಗಳ ಒಡಲಾಗ್ನಿ ತಣಿವವರೆಗೆ
ಯಾತ್ರೆ ಮಾಡಲಿ ಮನಸು ಜ್ಞಾನ ಕ್ಷೇತ್ರಗಳತ್ತ
ವೈಚಾರಿಕತೆಯು ಪುಣ್ಯ ತುಂಬಿ ತುಳುಕಾಡೊವರೆಗೆ ||
ಕಣ್ಣಿರದ,ಕಿವಿಯಿರದ,ಮಾತಿರದ ಮುನಿಯಾಗು
ಅಂತರಂಗದಿ ದಿವ್ಯ ಚೇತನ ಆವಿರ್ಭವಿಸೊವರೆಗೆ
ಜಗದ ಕೋಲಾಹಲಕೆ ಮಣಿಯದ ತಾಪಸಿಯಾಗು
ನಿನ್ನೊಳಗೆ ವಿಶ್ವಮಾನವತ್ವದ ಸಿದ್ಧಿ ಸಿದ್ಧಿಸೊವರೆಗೆ ||
ಜಗದ ಮೇಲಾಟಗಳ ಸದ್ದಡಗೊವರೆಗೆ
ಮಥಿಸು ಮನದ ಕಡಲನ್ನು
ಶಾಂತಿ ಅಮ್ರತಧಾರೆ ಉದಿಸುವಲ್ಲಿವರೆಗೆ ||
ನಿನ್ನೊಳಗೂ ಯುದ್ಧ,ಜಗದೊಳಗೂ ಯುದ್ಧ
ಕಿವುಡಾಗು ಕಾಳಗದ ಕ್ರೂರ ಕರೆಗೆ
ಹುಡುಕು ಶಾಂತಿ ಸೂತ್ರಗಳನ್ನು,ಮೌನವಾಗಲು
ಮನದ ಹೊಯ್ದಾಟವೊಂದು ಘಳಿಗೆ ||
ಅತ್ರಪ್ತ ಆತ್ಮ ಹೊರಗೆಲ್ಲೊ ಸುತ್ತುತ್ತಿದೆ
ಸತ್ತಿರಲು ಮೌಲ್ಯಗಳು ಕಡು ಲೋಭದುರಿಗೆ
ಕೈಗೂಡದಾಸೆಗಳು ಉಗ್ರ ಸುಳಿಯಾಗದಂತೆ
ಬಂಧಿಸಿಡು ಆತ್ಮವನು ಭಾವಕಡಲಾಳದೊಳಗೆ ||
ಮುಳುಗೇಳು ಸಹಿಷ್ಣುತೆಯ ಸಲಿಲದಲಿ
ದ್ವೇಷಾಸೂಯೆಗಳ ಒಡಲಾಗ್ನಿ ತಣಿವವರೆಗೆ
ಯಾತ್ರೆ ಮಾಡಲಿ ಮನಸು ಜ್ಞಾನ ಕ್ಷೇತ್ರಗಳತ್ತ
ವೈಚಾರಿಕತೆಯು ಪುಣ್ಯ ತುಂಬಿ ತುಳುಕಾಡೊವರೆಗೆ ||
ಕಣ್ಣಿರದ,ಕಿವಿಯಿರದ,ಮಾತಿರದ ಮುನಿಯಾಗು
ಅಂತರಂಗದಿ ದಿವ್ಯ ಚೇತನ ಆವಿರ್ಭವಿಸೊವರೆಗೆ
ಜಗದ ಕೋಲಾಹಲಕೆ ಮಣಿಯದ ತಾಪಸಿಯಾಗು
ನಿನ್ನೊಳಗೆ ವಿಶ್ವಮಾನವತ್ವದ ಸಿದ್ಧಿ ಸಿದ್ಧಿಸೊವರೆಗೆ ||
